thalaivaa-yaar-indha-saalai-oram-pookkal-vaithadhu

படம்: தலைவா
பாடியவர்கள்: ஜி.வி.பிரகாஷ், சைந்தவி
பாடல் : நா. முத்துக்குமார்
இசை : ஜி.வி. பிரகாஷ்

சரணம்
--------------
ஆ: யார் இந்த சாலையோரம் பூக்கள் வைத்தது
        காற்றில் எங்கெங்கும் வாசம் வீசுது
பெ: யார் எந்தன் வார்த்தை மீது மெளனம் வைத்தது
         இன்று பேசாமல் கண்கள் பேசுது
ஆ: நகராமல் இந்த நொடி நீள
        எந்தன் அடி நெஞ்சம் ஏங்குதே
பெ: குளிராலும் கொஞ்சம் அனலாலும்
         இந்த நெருக்கம் தான் கொல்லுதே
ஆ:  எந்தன் நாளானது இன்று வேறானது
         வண்ணம் நூறானது வானிலே
        (யார் இந்த சாலையோரம்..)

பல்லவி 1
----------------
ஆ: தீரத் தீர ஆசை யாவும் பேசலாம்
        மெல்ல தூரம் விலகிப்  போகும் வரையில் தள்ளி நிற்கலாம்
பெ: என்னை நானும் உன்னை நீயும் தோற்கலாம்
         இங்கு துன்பம் கூட இன்பம் என்று கண்டு கொள்ளலாம்
ஆ:  என்னாகிறேன் இன்று ஏதாகிறேன்
பெ: எதிர் காற்றிலே சாயும் குடையாகிறேன்
ஆ: எந்தன் நெஞ்சானது இன்று பஞ்சானது
         அது பறந்தோடுது வானிலே
பெ: (யார் எந்தன் வார்த்தை மீது....)

பல்லவி 2
-----------------
ஆ: மண்ணில் ஓடும் நதிகள் தோன்றும் மலையிலே
         அது மலையை விட்டு ஓடி வந்து சேரும் கடலிலே
பெ: வைரம் போலப் பெண்ணின் மனது உலகிலே
         அது தோன்றும் வரையில் புதைந்து கிடக்கும் என்றும் மண்ணிலே
ஆ:  கண் ஜாடையில் உன்னை அறிந்தேனடி
பெ:  என் பாதையில் இன்று உன் காலடி
ஆ:  நேற்று நான் பார்த்ததும் இன்று நீ பார்ப்பதும்
          நெஞ்சம் எதிர்பார்ப்பதும் ஏனடி
   
ஆ: யார் இந்த சாலையோரம்..
பெ: யார் எந்தன் வார்த்தை மீது...
ஆ: நகராமல்..
பெ: குளிராலும்..
ஆ: எந்தன் நாளானது இன்று வேறானது
         வண்ணம் நூறானது வானிலே


 -- மு. இராகவன் என்ற சரவணன்
    11 நவம்பர் 2013 திங்கள் இரவு 11 50 மணி (இந்திய நேரப்படி)
     நவி மும்பை | மகாராஷ்டிரா | இந்தியா

kaalai - eppada ennai paappa

 

படம்: காளை

பாடியவர்: மதுஸ்ரீ

இசை: ஜி.வி.பிரகாஷ்

 

 

பல்லவி

======

 

எப்ப நீ என்னைப் பாப்ப

எப்ப என் பேச்சைக் கேப்ப

எப்ப நான் பேச கெட்ட பையா

 

எப்போடா கோபம் கொறையும்

எப்படா பாசம் தெரியும்

எப்ப நான் பேச கெட்ட பையா

 

(எப்ப நீ என்னைப்)

 

நிழலாக உந்தன் பின்னால் நடமாடுறேன்

நிஜமாக உந்தன் முன்னால் தடுமாடுறேன்

 

ஒரு செல்லா நாயாய் உந்தன் முன்னே வாலாட்டுறேன்

உன் செயலை எல்லாம் தூரம் நின்று பாராட்டுறேன்

என்னை ஒரு முறை நீயும் திரும்பிப் பார்ப்பாயா

 

ஓ ஓ ஓ ஓ ஓ

ஓ ஓ ஓ ஓ ஓ

 

 

சரணம்-1

========

 

கண்ணைக் கட்டிக்கொண்டு உன் பின்னால்

காலம் முழுவதும் வருவேனே

உந்தன் பாதையில் பயமில்லை நீ வா

 

மலையை சுமக்கிற பலமுனக்கு

மலரை ரசிக்கிற மனமுனக்கு

இனிமேல் போதும் நீ எனக்கு நீ வா

 

உன் துணை தேடி நான் வந்தேன் துரத்தாதேடா

உன் கோபம் கூட நியாயமென்று ரசித்தேனடா

 

நீ தீயாயிரு எனைத் திரியாய்த் தொடு

நான் ஒளி பெற்றே வாழ்வேனடா

 

அட என்னைத் தவிர எல்லாப் பேரும் ஆணாய் ஆனாலும்

நான் உனக்கு மட்டும் சொந்தம் என்றேன் என்ன ஆனாலும்

நீ இல்லை என்று சொல்லி விடேண்டா

 

எரிமலை கண்கள் ரெண்டு  பனிமலை இதயம் ஒன்று

உன்னிடம் கண்டேன் கெட்ட பையா

பூமியில் ஆம்பளை என்று உன்னை தான் சொல்வேன் என்று

வேறென்ன சொல்ல கெட்ட பையா

 

உன்னாலே அச்சமின்றி நான் வாழவே

உன்கிட்ட அச்சப்பட்டு ஏன் சாகுறேன்

 

இந்தப் பூமிப்பந்தை தாண்டிப்போக முடியாதுடா

உன் அருகில் நின்றால் மரணம் கூட நெருங்காதடா

என் நிலவரம் உனக்குப் புரியவில்லையா

 

குழு: ஓ ஓ ஓ ஓ

 

Polladhavan - Minnalgal Koothaadum Mazhaikkaalam

படம்: பொல்லாதவன்
இசை: ஜி.வி. பிரகாஷ் ('வெயில்' பட இசையமைப்பாளர்)
பாடியவர்கள்: கார்த்திக், பாம்பே ஜெயஸ்ரீ


பல்லவி
=======
ஆ: மின்னல்கள் கூத்தாடும் மழைக்காலம்
வீதியில் எங்கெங்கும் குடைக்கோலம்
என் முன்னே நீ வந்தாய் கொஞ்சநேரம்
என் விழி எங்கும் பூக்காலம்
உடல் கொதித்ததே உயிர் மிதந்ததே அய்யோ அது எனக்குப் பிடித்ததடி
எடை குறைந்ததே தூக்கம் தொலைந்ததே அய்யோ பைத்தியமே பிடித்ததடி

பெ: மின்னல்கள் கூத்தாடும் மழைக்காலம்
வீதியில் எங்கெங்கும் குடைக்கோலம்
என் முன்னே நீ வந்தாய் கொஞ்சநேரம்
என் விழி எங்கும் பூக்காலம்
உடல் கொதித்ததே உயிர் மிதந்ததே அய்யோ அது எனக்குப் பிடித்ததடா

இரு: எடை குறைந்ததே தூக்கம் தொலைந்ததே அய்யோ பைத்தியமே பிடிக்குதடி

சரணம்-1
========
ஆ: முதன்முறை என் விரல் பூக்கள் பறித்தது தோட்டத்திலே
தலையணை உறையும் ஸ்வீட் ட்ரீம்ஸ் பறித்தது தூக்கத்திலே
காலைத் தேநீர் குழம்பாய் மிதந்தது சோற்றுக்குள்ளே
கிறுக்கன் என்றொரு பெயரும் கிடைத்தது வீட்டுக்குள்ளே

பெ: காதலே ஒருவகை ஞாபக மறதி கண்முன்னே நடப்பது மறந்திடுமே
வவ்வாலைப் போல் நம் உலகம் மாறித் தலைகீழாகத் தொங்கிடுமே
ஓ உடல் கொதித்ததே உயிர் மிதந்ததே அய்யோ அது எனக்குப் பிடித்ததடா

ஆ: எடை குறையுதே தூக்கம் தொலையுதே அய்யோ பைத்தியமே பிடிக்கிறதே

சரணம்-2
========
பெ: என் பேர் கேட்டால் உன் பேர் சொன்னேன் பதட்டத்திலே
பக்கத்து வீட்டில் கோலம் போட்டேன் குழப்பத்திலே
காதல் கவிதை வாங்கிப் படித்தேன் கிறக்கத்திலே
ஓ குட்டிப் பூனைக்கு முத்தம் கொடுத்தேன் மயக்கத்திலே
ஊ ஆ ஆ ஊ ஆ ஊ ஆ ஊ ஊ ஆ ரா ரே ரா ரே

ஆ: ஓஓஓ காதலும் ஒருவகை போதைதானே உள்ளுக்குள் வெறியேற்றும் பேய்போல
ஏனிந்தத்தொல்லை என்று தள்ளிப்போனால் புன்னகை செய்துகொஞ்சும் தாய்போல

பெ: உடல் கொதித்ததே உயிர் மிதந்ததே அய்யோ அது எனக்குப் பிடித்ததடா
எடை குறைந்ததே தூக்கம் தொலைந்ததே அய்யோ பைத்தியமே பிடித்ததடா

ஆ: மின்னல்கள் கூத்தாடும் மழைக்காலம்
வீதியில் எங்கெங்கும் குடைக்கோலம்
என்முன்னே நீ வந்தாய் கொஞ்ச நேரம்
என் விழி எங்கும் பூக்காலம்

இரு: உடல் கொதிக்குதே உயிர் மிதக்குதே அய்யோ இது எனக்குப் பிடிக்குதடா
எடை குறையுதே தூக்கம் தொலையுதே அய்யோ பைத்தியமே பிடிக்குதடா

ஆ: ஆ ஆ ஆ ஆ .. ஆ ஆ ஆ ஆ..